طريقتي باخفاء الهالات السوداء بدون مايخطط او يقلب رمادي ♥♥
:
:
السلام عليكم ورحمة الله وبركاته ♥
:
السلام عليكم ورحمة الله وبركاته ♥
اكثر مشكلة معقدة البنات بالمكياج هي الكونسيلر
وكيف نقدر نغطي الهالات السوداء بدون مايقلب رمادي او يخطط
وانا كنت وحده منكم الين تعلمت هذي الطريقة ♥♥♥♥
مستحيل يخطط معك او يقلب رمادي
بالذات لو عندك مناسبه او عيد مثلا وتبين شي يثبت معك وقت طويل
بدون مايخطط او يقلب رمادي
.
.
اول خطوه مهمه جدا انك تصححين السواد الي تحت عينك
بعلمكم طريقتين وكلها تضبط اختاروا الي يريحكم
.
1- الطريقة الاولي باستخدام الكوركتر البرتقالي انا عندي هذي العجله من كريولان الي هي الي ع اليسار
فيها مصحح برتقالي اخذ نتتففه باصبعي واحطه مكان السواد تحت عيني وادمجه بشكل خفيف
.
2-الطريقة الثاني باستخدام برايمر العيون من بينفت ستي دونت ستراي احط منه شوي تحت عيني وادمجه باسفنجه
(( مدري اذا بقية برايمر العيون يضبط معها قبل الكونسيلر انا ماجربت الا بينفت وماشي معي بيرفكت ♥♥ ))
هذي اول خطوه لازم لازم تسوونها قبل الكونسيلر
.
.
الخطوة الثانيه الي هي الكونسيلر احرصي انه يكون كونسيلر سايل لتحت العين افضل بكثير من الكريمي
لان الكريمي مع الوقت يكتل ويخطط السايل افضل
.
افضل نوعين كونسيلر جربتهم للمناسبات ثابتين ومسستتححييل يخطط
النوع الاول من ماك اسمه برو لونق وير
- تغطيته فل كفر
- ثااااببت لوقت طوييل
- اذا دمجتيه يقلب باودر وهذا احسن انواع الكونسيلر عشان مايخطط
طبعا احرصي على انك تختارين الدرجه المناسبه
بس اذا كنتي من البشرات الفاتحه بيناسبك nc35
واذا كنتي من البشرات الحنطيه للسمراء بيناسبك nc42
مررره انصح فيه ضروري يكون عند كل بنت
بس ماينفع استخدام يومي يعني دوام كذا لا
بس مناسبات لانه مره ثقيل وكثره استخدامه تضر تحت العين
.
النوع الثاني من نارس اسمه ريدينت كريمي كونسيلر
بالظبط نفس مواصفات ماك
يعني لو ماحصلك ماك ولقيتي نارس عادي والعكس صحيح
ومو لازم كلهم يكونون عندك واحد منهم يكفي
.
.
طبعا الطريقة الي تحطين فيها الكونسيلر تفرق
اغلب البنات يسونها نفس الطريقة الي ع اليسار على قد السواد تحط الكونسيلر وهو غلط
لانه يبي ان فيه تحت عينك انتفاخ حتى لو كان ماعندك من الاساس
ومايخفي لك مره السواد
.
الطريقة الصحيحة الي هي ع اليمين تحطين الكونسيلر على شكل مثلث او صح
وتبدين الدمج من فوق لتحت
وشوفي كيف بتفرق معك ذا الحركه
.
.
النقطه المهمه والاخيره الي هي التثبيت
تثبتين الكونسيلر بلوس باودر
لازم لوس باودر لان يدخل بين خطوط العين ويعبيها لك
افضل انواع لوس باودر لتحت العين
اذا كانت بشراتك حنطية للسمراء استخدمي البنانا بادور
اذا بشرتك فاتحه استخدمي لوس باودر لورا مارسييه
هذولي افضل باودرز تثبيت وتنور تحت العين مرره جميلين
.
.
هذي طريقة الصحيحه لوضع اللوس باودر على منطقة تحت العين كاامله بالاسفنجه المثلثه وحطي كمية كثيرة
بعد ماتحطين نفس الصوره تنتظرين شوي بعدين تجيبين اي فرشه عندك وتشيلين البادور
.
بعد مذا بيكون عندك تحت عينك مافي هالات منور وصحي وبيطول معك مستحيل يخطط او يقلب رمادي
.
الاسفنجه المثلثه تحصلونها باي مكان في بسيفورا وفي بمحلات المكياج العادية زي مي وهريره وكذا
.
مررره تعبت بذا الموضوع واشتغلت عليه من قلب عشان توصلكم المعلومه
ان شاء تكونون استفدتوا وبسطت لكم المعلومه ♥♥
لاتنسون تكتبون لي بانستقرام ارائكم ♥♥
