سلسلة عناية العيد #1
:
:
مساء الخير..
هذا اول بوست لي بالمدونة
واول بوست عن عنايتي للعيد
ان شاء الله اقدر افيدكم..
في البداية انا بشرتي مختلطة
استخدم لها مقشر وماسك اسبوعي
بس الشهر هذا بتكون عنايتي مكثفه اكثر عشان العيد ان شا الله
اليوم اول ماصحيت سويت لي مقشر الشاي الاخضر
هذا المقشر مجربته اكثر من مره
وشفت نتايج مرضيه الحمدلله
ينعم الوجه ويشيل الخلايا الميته ينظف المسام
مكوناته:
كيس شاي اخضر ليبتون (( بدون ماتحطينه بمويه ))
ملعقه عسل
ملعقه زيت زيتون
تخلطينهم سوا لين يكون زي العجين يكون ثقيل شوي زي الصورة
الشاي الاخضر يقشر الوجه العسل يساعد على تنظيف المسام والزيت للترطيب
الي بشرتها دهنيه تستغني عن الزيت
تاخذين كمية بيدك وتفركين وجهك ورقبتك بحركه دائريه
بس بشويش لان الشاهي خشن شوي عشان مايجرح وجهك
بعدها غسليه بمويه دافيه وبتلاحظين الفرق والنعومه
.
بعد المقشر لازم لازم ماسك لان المسام بيكون مفتوحه والماسك يساعد على قبض المسام
هذا ماسك من لش اسمه LOVE LETUCE يحتوي على العسل وزيت اللوز ولافندر وقطع لوز صغيييره
الماسك هذا يناسب من البشرات الدهنيه والمختلطه
البشره الجافه ابد ماراح يناسبهم
طيعا هذي ثالث مره تقريبا اجرب الماسك هذا
مره حابته حقي قرب يخلص وبشتريه مره ثانيه ان شاء الله
تركته 10 دقايق على وجهي بعدها غسلته
حبيت النعومه بعد الماسك
وحسيت بنظاافة ببشرتي
وعطاني نظارة فا ينفع قبل المناسبات
بس للبنات الي بشرتهم حساسه قبل لا تجربون اي شي سواء مقشر او ماسك
جربوا على مكان صغير
بس عموما ماانصح للبشره الحساسه
انصحكم بهذا الماسك
تحصلونه بمحلات لش فرعه بالرياض بالفيصليه مول
سعره 47 ريال
وبس
ان شاء الله تكونون استفدتوا
وباذن الله بقية السلسله بتنزل قريب
تابعوا بوستاتي على انستقرام
0 التعليقات:
إرسال تعليق